Жорий йилда Қозоғистонда темир йўл транспорти билан 16,6 миллион йўловчи ташилди

Жорий йилда Қозоғистонда темир йўл транспорти билан 16,6 миллион йўловчи ташилди
Фото: Kazinform

Жорий йилнинг январь-октябрь ойларида Қозоғистонда темир йўл орқали ташилган йўловчилар сони 16,6 миллион кишини ташкил этди, деб хабар беради Kazinform агентлиги ҚР Миллий статистика бюросига таяниб.

Бу кўрсаткич 2022 йилнинг мос даврига нисбатан 2,2 фоизга кўпдир. Шу билан бирга, босиб ўтилган йўл 2022 йилнинг январь-октябрига нисбатан 1,5 фоизга қисқарди ва йиллик 13,6 миллион километрни ташкил этди.

“Аввалгидек, йўловчилар учун энг машҳур йўналиш Астана бўлиб, 10 ой ичида 4,6 миллион йўловчи пойтахтга чипта сотиб олган, иккинчи ўринда Ақтўбе вилоятига 1,5 миллион йўловчи, учинчи ўринда – Қизилўрда вилояти – 1,3 миллион йўловчи”, – дейилади бюро хабарида.

2023 йилнинг январь-октябрь ойларида темир йўл транспортида йўловчи ташишдан тушган тушум 100,8 миллиард тенгени ташкил этди, бу ўтган йилнинг мос даврига нисбатан 4,3 фоизга кўпдир.

Сўнгги хабарлар