Жорий йилда Қозоғистон чегарасини 20,5 миллион киши кесиб ўтган
«Ҳозирда Қозоғистон Республикасининг периметри бўйлаб Ҳукумат қарорлари билан 101 та назорат-ўтказиш пункти белгиланди. У авиация, денгиз, дарё, темир йўл, автомобиль ўтиш пунктларини ўз ичига олади. Хитой Халқ Республикаси билан чегарада 7 та назорат-ўтказиш пункти очилиб, ишламоқда. Қирғизистон Республикаси ўртасида – 8 та, Ўзбекистон – 11 та, Туркманистон – 2 та, Россия – 51 та, шунингдек, 3 та денгиз ва 19 та авиация ўтказиш пунктлари мавжуд. Барча назорат-ўтказиш пунктлари давлатлар ўртасидаги келишувларга асосан мунтазам режимда ишламоқда, – деди Ғ. Ағадилов бугун Марказий коммуникациялар хизматида.
Ўтказиш пунктларида чегарачилар ҳужжатларни текшириш вақтида чегарани кесиб ўтишнинг қонунийлигини назорат қилади. Чегарани бузган шахсларни аниқлаш, шунингдек, чегарадан тақиқланган материаллар ва ашёларни олиб ўтишнинг олдини олиш мақсадида транспорт воситалари кўрикдан ўтказилмоқда. Тақиқланган материаллар ва объектларга қурол, ўқ-дорилар, гиёҳванд моддалар, портловчи моддалар, заҳарлар ва радиоактив моддалар киради.
«Ўтган йилга нисбатан 2023 йилнинг 7 ойида одамлар ва транспорт воситаларининг ўтишлари икки баробарга ошди. Бунга мамлакатнинг транспорт ва транзит салоҳиятини ошириш, янги ҳаво йўналишларини очиш, кириш туризмини ривожлантириш мақсадида хорижликлар учун виза ва иммиграция қоидаларини соддалаштириш ёрдам берди. Шу даврда давлат чегараси орқали жами 20 миллион 527 минг 689 нафар фуқаро ва 4 миллион 492 минг 435 автотранспорт воситаси ўтказилди. Кунига ўртача 190 минг киши (шундан 90 минг нафаргача хорижлик фуқаро) ва 30 минггача автомобиль ўтади», - деди Ғани Ағадилов.
Муаллиф: Руслан Ғаббасов
