Жанубий Кореянинг собиқ президенти айбланмоқда
ASTANA. Kazinform – Жанубий Корея маҳаллий прокуратураси мамлакатнинг собиқ президенти Мун Чжэ Инга пора олишда гумон қилиниб, айблов эълон қилди.
Yonhap агентлиги хабарига кўра, 24 апрель куни Чонжу шаҳри вилоят прокуратураси Мун Чжэ Инга нисбатан “Алоҳида жиноятлар учун қаттиқ жазо тўғрисида”ги қонунни (пора олиш моддаси) бузганликда айблаб, судга мурожаат қилган.
Айни пайтда прокуратура собиқ депутат ва Eastar Jet авиакомпанияси асосчиси Ли Сан Жикни порахўрлик ва ўз вазифасини бажармасликда айблади. Бироқ, собиқ президентнинг қизи ва куёвига нисбатан давлат айбловлари ҳозирча қолдирилди.
Тергов маълумотларига кўра, Ли Сан Жик Кичик ва ўрта корхоналар корпорацияси директорлар кенгаши раиси бўлганида, хусусан, 2018 йил март ойида Мун Чжэ Иннинг куёви Eastar Jet компаниясининг Таиланддаги шоъба корхонаси бошқарув кенгаши аъзоси сифатида ишга қабул қилинган. Ушбу ҳолат юзасидан прокуратура томонидан тергов ҳаракатлари олиб борилмоқда.
