Жанубий Корея Теlegramга қарши тергов бошлади

ASTANA. Kazinform - Жанубий Корея полицияси Тelegram шифрланган хабар алмашиш платформаси бўйича тергов бошлаганини маълум қилди, улар гўёки дипфейк деб аталувчи порно, жумладан сунъий интеллект томонидан яратилган ўсмирларнинг аниқ тасвирлари тарқалишига “кўмаклашди”, дея хабар беради Kazinform агентлиги France 24га таяниб.

Дипфейк порнолар аниқ контентни ўз ичига олади, унда одамларнинг юзлари сунъий интеллект технологиясидан фойдаланган ҳолда бошқа порнографик тасвирлар ёки видеоларга рақамли равишда қўшилади.

Текширув бошланишига ўтган ой Жанубий Кореядаги университет талабалари томонидан Тelegramда ноқонуний суҳбат ташкил этилгани ва у ерда улар курсдошларининг сохта порнографик материаллари билан бўлишгани сабаб бўлган. Бу кенг жамоатчилик норозилигига сабаб бўлди.

- Ушбу жиноятлар билан боғлиқ ҳолда, Сеул миллий полиция агентлиги ўтган ҳафтада шериклик бўйича тергов бошлади. Теlegram тергов давомида аккаунтларга оид олдинги сўровларимизга жавоб бермади, - деди Миллий полиция агентлиги тергов бюроси раҳбари У Чон Су.

Жанубий Корея Миллий полиция бюроси маълумотларига кўра, ўтган ҳафтанинг ўзида дипфейк порно ҳақида 88 та хабар келиб тушган. 24 нафар гумондор шахс аниқланган.

Полиция “платформа фаолияти юзасидан терговни “кучайтириш” учун турли тергов органлари, жумладан французлар билан ҳамкорлик қилиш йўлларини топишга ваъда берди.

Фаолларнинг таъкидлашича, Жанубий Корея рақамли жинсий жиноятлар эпидемиясидан азият чекмоқда, жумладан, айғоқчи камералар ва ўч олиш порноси билан боғлиқ жиноятлар ва жиноятчиларни жазолаш учун қонун ҳужжатлари етарли эмас.

Хабар қилинишича, дипфейк жиноятлар содир этганлар қурбонларнинг фотосуратларини сақлаш учун Instagram каби ижтимоий медиа платформаларидан фойдаланганлар, кейин эса сохта порнографик материаллар яратишда фойдаланган. Бу хатти-ҳаракатлар жамоатчилик норозилигига сабаб бўлди ва президент Юн Сек Ёл расмийларни “рақамли жинсий жиноятларни тўлиқ йўқ қилиш учун уларни чуқур текшириш ва уларга қарши курашишга” ундади.

Тергов Теlegram асосчиси ва бош директори Павел Дуров ўтган ой Францияда ҳибсга олинганидан кейин бошланган. Унга бир қанча моддалар, жумладан экстремистик ва ноқонуний контентга чек қўймаслик бўйича айблов қўйилган. Дуров барча айбловлар бўйича 10 йилгача озодликдан маҳрум этилиши мумкин.