Павел Дуров ўн йиллик қамоқ жазосига ҳукм қилиниши мумкин

ASTANA. Kazinform – Telegram хизмати асосчиси Павел Дуров бир қанча жиноятлар, жумладан, уюшган гуруҳга ноқонуний транзакцияларни амалга ошириш имконини берувчи онлайн платформани бошқаргани учун ўн йилга озодликдан маҳрум этилиши мумкин.

Чоршанба куни Павел Дуров ноқонуний операцияларни амалга ошириш мақсадида уюшган гуруҳ томонидан Telegram бошқарувига алоқадорликда айбланган эди. У жами олтита жиноятда айбланмоқда. Айбловлар тўпламига кўра, тадбиркор 10 йилгача озодликдан маҳрум этилиши мумкин.

П. Дуров суд назорати остида озод қилинди. Бироқ унга Францияни тарк этиш тақиқланган ва 5 миллион евро гаров тўлаши керак.

Париж суди унга ҳафтасига икки марта полиция бўлимига келишни буюрди.

Франция матбуотига кўра, Павел Дуров 24 август куни Париждаги Ле Бурже аэропортида болаларга қарши жиноятлар, гиёҳванд моддалар савдоси ва фирибгарликда айбланиб ҳибсга олинган.

Илон Маск Дуровнинг ҳибсга олинишини сўз эркинлигини кафолатловчи АҚШ Конституциясига киритилган биринчи тузатишнинг “рекламаси” деб атади.

Ва Telegram жамоаси платформадаги суиистеъмоллик ҳақидаги даъволар асоссиз эканлигини айтди.

Европанинг Politico нашри Telegram асосчиси Павел Дуровнинг акаси Николай Дуровга Францияда қидирув эълон қилингани ҳақида хабар берди.