Жанубий Корея собиқ мудофаа вазири тергов изоляторида ўзини ўлдиришга уринди

ASTANA. Kazinform – Жанубий Корея собиқ мудофаа вазири Ким Ён Хён ўзи сақланаётган тергов изоляторида жонига қасд қилишга уринди. Бу ҳақда Yonhap хабар берди.

Қайд этилишича, собиқ вазир ўз жонига қасд қилишда ички кийимидан фойдаланган. Муваффақиятсиз уринишдан сўнг Ким ҳимоя камерасида сақланмоқда.

“Ҳозирда унинг соғлиғи барқарорлигича қолмоқда”, – дейди Ахлоқ тузатиш маркази раҳбари Шин Ёнг Хе парламент эшитувида.

65 ёшли собиқ мудофаа вазири Ким Ён Хёнг 4 декабрда истеъфога чиққан эди.

У давлатга хиёнатда айбланиб, ҳибсга олинди.