Жанибек Алимханули учта чемпионлик жангини ўтказишни истайди
ASTANA. Kazinform — WBO/IBF йўналишлари бўйича жаҳон чемпиони қозоғистонлик Жанибек Алимханули ўзининг асосий рақибларини маълум қилди, деб хабар беради Kazinform агентлиги Sports.kzга таяниб.
Қозоғистонлик чемпион учта потенциал рақиб: WBC йўналиши бўйича жаҳон чемпиони Карлос Адамес, WBA йўналиши бўйича жаҳон чемпиони Эрисланди Лара ва суперўрта вазн тоифасида мутлақ жаҳон чемпиони Саул “Канело” Алвареснинг суратларини жойлаштирган пости билан бўлишди.
“Бу — менинг асосий мақсадим”, - деб ёзган боксчи Instagramда.
Аввалроқ «Qazaq Style» Адамес билан жанг ўтказиш бўйича шартнома имзолагани, бироқ доминиканлик таклифга жавоб бермагани, кубалик Лара билан жанг шу йилнинг кузида бўлиб ўтиши мумкинлигини хабар қилганди. Эслатиб ўтамиз, мексикалик юлдуз “Канело” Альварес билан жанг ўтказиш учун қозоғистонлик боксчи дивизионини ўзгартириши керак бўлади.
Эслатиб ўтамиз, Жанибек Алимханулининг The Ring журналининг янгиланган рейтингида ўз ўрни аниқ бўлгани ҳақида хабар берган эдик.
