Зеленский келишув музокараларида Украинанинг устувор йўналишларини белгилаб берди

КIEV. ТАSS-Кazinform – Украинанинг Россия Федерацияси билан музокаралардаги устувор йўналишлари – суверенитет, ҳудудий яхлитлик ва хавфсизлик кафолатлари ўзгаришсиз қолмоқда. Бу ҳақда душанба куни Украина Президенти Владимир Зеленский маълум қилди, дея хабар беради Kazinform ТАSSга таяниб.

«Олдинда музокараларнинг янги раунди турибди, чунки биз тинчликни қидирмоқдамиз. Дарҳақиқат, кечиктирмасдан. Менга маълум бўлишича, Туркияда аллақачон юзма-юз учрашиш имконияти ва эҳтиёж бор. Бу ёмон эмас. Келинг, натижани кўриб чиқайлик. Бизнинг устувор вазифаларимиз маълум. Украинанинг суверенитети ва ҳудудий яхлитлиги шубҳасиздир. Давлатимиз учун самарали хавфсизлик кафолатлари муҳим аҳамиятга эга. Бизнинг мақсадимиз ҳам аниқ – Украинада тинчлик ва нормал ҳаёт тезроқ тикланиши», — деди Зеленский видеомурожаатида, унинг ёзуви ўз идорасининг Тelegram-каналида эълон қилинган.

Аввалроқ Россия делегацияси раҳбари, Президент ёрдамчиси Владимир Мединский ўзининг Telegram-каналида Россия ва Украина делегациялари 29—30-март кунлари навбатдаги юзма-юз музокаралар раундини ўтказишга қарор қилганини маълум қилганди. Кейинроқ Туркия раҳбарининг идораси хабар беришича, телефон суҳбатлари чоғида Эрдўғон ва Россия Президенти Владимир Путин Истанбулда делегациялар учрашувини ўтказишга келишиб олган.

Музокараларнинг биринчи рауди 28 феврал куни Беларуснинг Гомел вилоятида бўлиб ўтди, кейин учрашув беш соат давом этди. Кейинроқ яна иккита юзма-юз тур, шунингдек, онлайн форматдаги учрашувлар бўлиб ўтди.