Ўзбекистонликларнинг деярли 98 фоизи COVID-19 вакцинасининг биринчи дозасини олди

TASHKENT. Kazinform - Ўзбекистонда 20,9 миллион киши ёки мамлакатнинг катта ёшли аҳолисининг 97,9 фоизи коронавирусга қарши вакцинанинг биринчи дозасини олди, дея хабар беради Kazinform мухбири.

Ўзбекистон Республикаси Соғлиқни сақлаш вазирлиги маълумотларига кўра, бугунги кунга қадар мамлакатда вакцинанинг 65,9 миллион дозаси қўлланилган бўлиб, улардан 20,9 миллион киши биринчи доза, 17,6 миллион нафари иккинчи доза, учинчи компонент билан (ZF-UZ-VAC2001 хитой-ўзбек вакцинаси уч дозада юборилади) 10,3 миллион киши эмланди. 16,9 миллион ўзбекистонлик бустер дозасини олди.

«Мамлакатимизнинг катта ёшли аҳолиси орасида биринчи доза билан эмлаш даражаси 97,9 фоизни ташкил этади», - дейилади ЎР Соғлиқни сақлаш вазирлиги хабарида.

Вазирликнинг қўшимча қилишича, 12-18 ёшли ўсмирларни эмлаш учун 2 млн доза вакцина ишлатилган.

Улардан: биринчи дозада 1010862 нафари, иккинчи дозада 820464 нафари ва бустер дозада 252622 киши ташкил этади.

Аввалроқ Ўзбекистонда эмлаш AstraZeneca, ZF-UZ-VAC2001, «Спутник-V», Moderna, Pfizer ва Sinovac олтита препарат билан амалга оширилгани хабар қилинганди.

Муаллиф: Мадибек Жанибеков