Ўзбекистонда Telegram, Facebook, Instagram ва бошқа ижтимоий тармоқларга кириш чекланди

NUR-SULTAN. Kazinform - Ўзбекистонда шахсий маълумотлар тўғрисидаги қонун ҳужжатларини бузувчилар реестрига TikТоkдан ташқари Twitter, ВКонтакте ва Skype, Telegram, Facebook, Одноклассники, YouTube ва бошқалар киритилган. Ушбу ижтимоий тармоқларнинг фаолияти чекланган , деб хабар беради Kazinform Gazeta.uzга таяниб.

Aхборотлаштириш ва телекоммуникациялар соҳасида назорат бўйича давлат инспекцияси (Ўзкомназорат) Ўзбекистон фуқароларининг шахсий маълумотлари Ўзбекистондан ташқарида сақланиши ва қайта ишланиши муносабати билан бир қатор ижтимоий тармоқларга киришни чеклади.

Gazeta.uz «Ўзкомназорат» шахсий маълумотлар субъектлари ҳуқуқларини бузувчилар реестрини юритиши, унга Мой Мир, Одноклассники, YouТube, Linkedin, Instagram, Facebook, Telegram мессенжери ва бошқа ижтимоий тармоқлар киритилгани аниқланди.

Реестрда «Ўзкомназорат» 2 июл куни ижтимоий тармоқларга кўрсатмалар юборгани кўрсатилган. Кейин инспекция 2 ноябр куни буйруқ юбориб, 3 ноябрда уларнинг ишини чеклади.

Gazeta.uzга Telegram секинлашгани ҳақидаги илк хабарлар тахминан соат 19:15 да келиб тушди. Кейинроқ Facebook, Instagram ва бошқа ижтимоий тармоқлар ишида узилишлар борлиги ҳақида хабарлар пайдо бўлди.

Май ойида «Ўзкомназорат» Mail.ru Group/VK (ВКонтакте), Twitter ва Тencent (WеChat) ижтимоий тармоқлари эгаларига «Шахсий маълумотлар тўғрисида»ги қонуннинг 27-1-моддасига риоя қилишни, яъни шахсий маълумотлар сақланадиган серверларни жойлаштиришни буюрди. Ўзбекистон фуқаролари маълумотларимамлакат ичида қайта ишланади.

Июл ойи бошида «Ўзкомназорат» ТikТоk, Тwitter, ВКонтакте, WеChat ижтимоий тармоқлари ва Skupe мессенжерига киришни чеклаган эди. Мамлакатдаги чекловлар фонида блокланган сайтларга кириш учун фойдаланиладиган мобил VPN - иловаларининг машҳурлиги кескин ошди.

Куни кеча, 29 октябр куни Ўзбекистон Президенти шахсий маълумотлар тўғрисидаги қонун ҳужжатларини бузганлик учун жазони кучайтирувчи қонунни имзолади. Тузатишлар кучга кирганидан кейин, уч ой ўтгач, кириши чекланган ижтимоий тармоқлар маъмурий ва жиноий жавобгарликка тортилиши мумкин.

Президент матбуот котибининг айтишича, Шавкат Мирзиёев Ҳукумат кўрсатмаси бўйича қабул қилинган «Ўзкомназорат»нинг ижтимоий тармоқлар фаолиятини чеклаш бўйича «бир томонлама ва тўлиқ ўйланмаган» ҳаракатларидан хабардор қилинган.

«Ўйлайманки, тез орада барча ижтимоий тармоқларга кириш тикланади», - деди у.

«Ўзкомназорат» раҳбари ўз лавозимидан озод этилди. Ижтимоий тармоқларга кириш тиклана бошлади.

Gazeta.uzнинг қайд этишича, Ўзкомназорат реестрида Тelegram, Facebook, Одноклассники, YouTube ва бошқа сайтларга киришни чеклаш ҳақидаги белгилар аллақачон йўқолган. Чекловлар блокировкалар бошланганидан кейин уч соатдан камроқ вақт ўтди.