Ўзбекистонда «Tashkent Law Spring» III Халқаро юридик форуми бошланди

TASHKENT. UzA-Kazinform - Тошкентда Марказий Осиё минтақасида ҳуқуқ соҳасидаги муҳим воқеалардан бири ҳисобланган «Tashkent Law Spring» III Халқаро юридик форуми бошланди, деб хабар беради Kazinform UzAга таяниб.

Ўзбекистон Адлия вазирлиги томонидан БМТ,»Минтақавий мулоқот«халқаро нодавлат нотижорат ташкилоти ва бошқа ҳамкорлар иштирокида ташкил этилган тадбирда 20 дан ортиқ давлат вакиллари иштирок этмоқда.

Форумнинг асосий мавзуси — «Фундаментал ҳуқуқлар – абадий қадриятлар».

Форум ҳуқуқ соҳасидаги замонавий илм-фан ютуқларини Ўзбекистон ва жаҳонда оммалаштиришга кўмаклашиш мақсадида ташкил этилган.