Ўзбекистонда электр энергияси истеъмоли тарихий рекордни янгилади

TASHKENT. Kazinform – Ўзбекистонда ғайритабиий иссиқлик пайтида электр энергияси истеъмоли тарихий рекордни янгилади, деб хабар беради Kazinform ахборот агентлиги мухбири.

Ўзбекистон Энергетика вазирлиги маълумотларига кўра, 16 июнда республикада электр энергиясининг соатлик ва кунлик истеъмоли бўйича рекорд ўрнатилди. Шу куни республикада электр энергияси истеъмоли 242,6 миллион кВт/соатни ташкил этди, бу 2022 йилнинг шу даврига нисбатан 16,6 фоизга кўп.

«Шу билан бирга, энергия тизимининг бир соатлик истеъмоли 11301 МВтни ташкил этди. Бу 2022 йил ёзида қайд этилган мутлақ максимал кўрсаткичдан 500 МВтга кўп», – дейилади Энергетика вазирлиги хабарида.

Вазирликнинг қўшимча қилишича, аввалги максимал электр энергияси истеъмоли 239 миллион кВт/соат 2022 йилнинг 27 июлида қайд этилган.

Муаллиф: Мадибек Джанибеков