Ўзбекистонда Чимкентнинг туризм салоҳияти намойиш этилди
Чимкент шаҳар ҳокимлигининг туризмни ривожлантириш бўлими бошлиғи Азамат Нуримбетов тадбир меҳмонларига Буюк ипак йўли чорраҳасида жойлашган, бугунги кунга келиб, мегаполисга айланган қадимий шаҳарнинг туристик ва сармоявий салоҳияти тақдимотини тақдим этди. Меҳмонлар ва аҳоли учун қулай шароитлар яратилган жозибали мегаполис, унинг табиий ландшафти, географик хусусиятлари, маданий мероси ҳақида гапирди.
«Тошкент Чимкент шаҳар туризм ва ташқи алоқалар бошқармаси томонидан ташкил этилган роуд шоу йўлидаги биринчи шаҳар бўлди. Бугун Ўзбекистон пойтахтининг туризм соҳасидаги ҳамкасблари билан учрашув бўлиб ўтди. Учрашув дастуридан Чимкентнинг сайёҳлик имкониятлари, амалга оширилаётган инвестиция лойиҳалари, инвесторларни давлат томонидан қўллаб-қувватлаш чора-тадбирлари тақдимоти ўрин олган бўлиб, бунинг натижасида 2025 йилгача 6 миллион меҳмонни қабул қилиш режалаштирилган. Эртага тадбир Ўзбекистоннинг сайёҳлик марказларидан бири – Самарқанд шаҳрида бўлиб ўтади», - деди Азамат Нуримбетов ўз интервьюсида.
Роуд-шоу давомида B2B ва B2G учрашувлари ўтказилди, икки мамлакат туризм соҳаси вакиллари ўртасида ҳамкорлик меморандумлари имзоланди.
«Биз Қозоғистонга катта қизиқиш билан қараймиз. Бу бизнинг энг яқин қўшнимиз, қардош юрт, биз учун жуда меҳрибон, яқин, жуда тушунарли. Сўнгги йилларда Қозоғистонда туризмни ривожлантиришга катта эътибор қаратилмоқда, инфратузилмани ривожлантириш учун улкан маблағлар йўналтирилди, шунинг учун ҳозирда зиёрат, тарихий, маданий, гастрономик туризм учун ажойиб жойлар мавжуд. Биз болалар, дўстлар гуруҳлари, тўй саёҳатлари учун Чимкентга чартер рейсларини ташкил қиламиз. Бугунги тадбир ўзбек туроператорлари учун эшикларни очади. Мана, ёнимизда кесилмаган олмос бор, уни кашф қилишимиз ва оддийгина, Чимкент йўлини «босиш»имиз керак», - дейди «Маnzara Tourism» сайёҳлик компанияси раҳбари Елена Мирзаева.
Муаллиф: Мадибек Жанибеков