Ўзбекистонда бир кунда қанча йўловчи темир йўл транспортидан фойдаланади

TASHKENT. UzA-Kazinform – 2023 йил январь-март ойларида Ўзбекистон Республикасининг асосий темир йўл транспортида 2,5 миллион йўловчи ташилди, дея хабар беради Kazinform UzAга таяниб.

Статистика агентлигининг маълумотларига кўра, йўловчи ташиш ҳажми 2022 йилнинг мос даврига нисбатан 402 мингтага ошган.

2023 йил январь-март ойларида бир кунда ўртача 27,8 минг йўловчи темир йўл транспортидан фойдаланган.

Бу кўрсаткич 2022 йил мос даврига нисбатан 4,5 мингтага ошган.