Юлия Путинцева жаҳон рейтингида ўзининг шахсий рекордини янгилади
ASTANА. Кazinform – Қозоғистонлик теннисчи Юлия Путинцева Аёллар теннис ассоциациясининг (WТА) янгиланган рейтингида 23-ўринга кўтарилди.

Ўтган ҳафтада Юлия Путинцева Аделаида (Австралия) WТА 500 турнирининг ярим финалига қадар етиб бориб, навбатдаги шахсий рекордини янгилади.
Бир ҳафта олдин у 29-ўриндан 25-ўринга кўтарилиб, спорт карьерасидаги энг яхши натижасини қўлга киритди.
Аделаидада финалга чиққан америкалик Жессика Пегула қозоғистонлик Елена Рибакинани ортда қолдириб, олтинчи ўринни эгаллади.
Е.Рйбакина 7-ўринга тушиб кетди.
Жуфтлик баҳсларида қозоғистонлик теннисчи Анна Данилина 23-ўриндан 22-ўринга кўтарилган бўлса, Ю Путинцева 111-ўриндан 108-ўринга кўтарилди. Жибек Қуламбаева ҳамон 156- ўринда.
Е.Рибакина, Ю.Путинцева ва А.Данилина Мельбурндаги Австралия очиқ чемпионатида муваффақиятли иштирок этса, жаҳон рейтингини яхшилаши мумкин.
Е.Рибакина 14 январь куни биринчи даврада 16 ёшли австралиялик Эмерсон Жонсга, Ю. Путинцева арманистонлик Элина Авенисянга қарши кортга чиқади.
"Катта дубулға" турнирининг 8-ракеткалари сифатида рўйхатдан ўтган А.Данилина ва россиялик Ирина Хромачева дастлабки учрашувни россиялик Камилла Раҳимова ва испаниялик Сара Соррибес-Тормога қарши ўтказади.
Эслатиб ўтамиз, аввалроқ Юлия Путинцева Аделаидада 1-рақам шахсий рекордига эришгани ҳақида хабар берган эдик.