Юлия Путинцева жаҳон рейтингида шахсий рекордига эришди

ASTANА. Кazinform — Аёллар теннис ассоциацияси (WТА) ўзининг янгиланган рейтингини эълон қилди.

Қозоғистонлик теннисчи Юлия Путинцева йилни муваффақиятли бошлади ва жаҳон рейтингида 29-ўриндан 25-ўринга кўтарилди.

Бу унинг спорт карьерасидаги рекорд ҳисобланади. 2017 йилда Юлия Путинцева 27-ўринни эгаллаган.

Қозоғистонлик теннисчи Елена Рибакина 6-ўринни сақлаб қолди.

Брисбен WТА 500 турнирида ғолиб чиққан беларуслик Арина Соболенко пешқадамлик қилмоқда. Брисбендаги учинчи босқичда Ю. Путинцева А.Соболенкога ютқазди.

Америкалик Кори Гауфф ва польшалик Ига Швентек жаҳон рейтингида кучли учликдан жой олишди.

Жуфтлик баҳсларида Анна Данилина 22-ўриндан 23-ўринга, Ю. Путинцева 110-ўриндан 111-ўринга, Жибек Қуламбаева 150-ўриндан 156-ўринга тушиб кетди.

Эслатиб ўтамиз, аввалроқ Юлия Путинцева Аделаидада Олимпиада кумуш медали совриндорини мағлуб этгани ҳақида хабар берган эдик.