Йил бошидан буён қанча этник қозоқ “ватандош” мақоми олди

ASTANA. Kazinform – 2025 йилда 2185 этник қозоқ ўз тарихий ватанига қайтди ва «ватандош» мақомига эга бўлди. 1991 йилдан буён республикага 1 миллион 150 мингдан ортиқ этник қозоқ келди.

“Йил бошидан Қозоғистонга келган муҳожирларнинг 46,4 фоизи Хитойдан, 41 фоизи Ўзбекистондан, 7,1 фоизи Туркманистондан, 1,9 фоизи Россиядан, 1,6 фоизи Мўғулистондан, 2 фоизи бошқа давлатлардан”, – дейилади ҚР Меҳнат ва аҳолини ижтимойи ҳимоя қилиш вазирлиги хабарида.

Жорий йилнинг 1 март ҳолатига кўра, меҳнатга лаёқатли ёшдаги ватандошлар сони 60,8 фоиз, вояга етмаганлар 30,8 фоиз, пенсионерлар 8,4 фоизни ташкил этади.

Меҳнатга лаёқатли ватандошларнинг 16,8 фоизи олий, 30,7 фоизи ўрта касб-ҳунар, 50,8 фоизи умумий ўрта, 1,7 фоизи маълумотсиз.

Кўчирилган этник қозоқлар республиканинг турли вилоятларига жойлашдилар.

Шу билан бирга, ватандошларни кўчириш учун ишчи кучи танқислиги бўлган қуйидаги ҳудудлар аниқланди: Ақмола, Абай, Қостанай, Павлодар, Атирау, Ғарбий, Шарқий ва Шимолий Қозоғистон вилоятлари.

Аҳоли пунктларида 2025 йил учун ватандошларни қабул қилиш квотаси 2309 кишини ташкил этади. 2025 йил 1 март ҳолатига кўра, аҳоли пунктларига 389 нафар ватандош кўчиб келган.

Йил бошидан буён 84 нафар ватандошга турли қўллаб-қувватлаш чоралари кўрилди. Хусусан, 56 нафар фуқаро доимий иш билан таъминланди.