Японияда волейбол бўйича Осиё чемпионлар лигаси ўйинлари бошланди

ASTANА. Кazinform — Қозоғистоннинг “Актўбе” клуби 11-18 май кунлари Япониянинг Хираката ва Киото шаҳарларида бўлиб ўтадиган эркаклар ўртасидаги волейбол бўйича Осиё чемпионлар лигасида иштирок этади.

Қозоғистон волейбол федерацияси хабарига кўра, аввал Осиё кубоги деб аталган, бугун бошланган мусобақада Ақтўбе шаҳри жамоаси илк бор иштирок этади.

Ақтўбеликлар ўтган мавсумда Қозоғистон кубоги ва Суперкубогини қўлга киритиб, мамлакат чемпионатининг кумуш медали соҳибига айланишди.

Сергей Трикоз шогирдлари эртага А гуруҳидаги дастлабки ўйинини Австралиянинг «Queensland Pirates» клубига қарши ўтказади. 13 май куни эса 2023 йилги клублар ўртасидаги Осиё чемпионати ғолиби Япониянинг «Suntory Sunbirds Osaka» жамоасига қарши баҳс олиб боради.

Клублар ўртасидаги Осиё чемпионатида қозоғистонлик жамоалар 1999 йилги илк турниргагина қатнашмаган. 2005 йилда Алматининг “Рахат-ЦСКА” жамоаси ғолиб бўлди. Қозоғистон клублари тўрт марта кумуш ва уч марта бронза медалини қўлга киритган.