Японияда тарихдаги энг юқори ҳарорат қайд этилди

ASTANA. Kazinform – Япониянинг кўплаб шаҳарларида иссиқ ҳаво сақланиб қолмоқда, деб хабар беради Anadolu агентлиги Japan Times нашрига таяниб.

Хёго префектурасида жойлашган Танба шаҳрида ҳаво ҳарорати 41,2 даражагача кўтарилиб, мамлакат тарихидаги энг юқори кўрсаткич сифатида қайд этилди.

Бу натижа 2018 ва 2020 йилларда қайд этилган 41,1 даражадан ҳам ошиб тушди.

Ўтган ҳафта давомида бутун мамлакат бўйлаб 5 мингдан ортиқ киши иссиқ уриш аломатлари билан шифохоналарга ётқизилди.

Ҳукумат келгуси кунларда ҳам иссиқ давом этиши мумкинлигини маълум қилиб, фуқароларни иссиқдан сақланиш чораларини кўришга чақирмоқда.