Японияда сунъий интеллект ёрдамида яратилган манга чиқарилди
Япониянинг Kyodo ахборот агентлиги хабарига кўра, машҳур япониялик манга рассоми Осаму Тезуканинг сунъий интеллект технологияси ёрдамида яратилган янги асари “Қора Жек” 20 ноябрь куни Японияда расман эълон қилинди.
“Қора Жек” Тезуканинг ижоди бўлиб, у лицензиясиз тиббиёт билан шуғулланадиган даҳо жарроҳ ҳақида ҳикоя қилади.
Бу асар 50 йилдан бери тинимсиз нашр этилган.
Бу сафар "Машинанинг юраги - Heartbert Mark 2» деб номланган янги ҳикоя 32 саҳифадан иборат. Ушбу нашр асарнинг 50 йиллигига бағишланган.
Янги ҳикоянинг асосий мазмуни инсон ва сунъий интеллект технологиясининг уйғунлигини ўрганиш ва "одам нима?" деган саволга жавоб излаш.
Ахборот агентлиги хабарига кўра, ҳикоянинг асосий тузилиши Осаму Тезука ҳаёти давомида ёзган мазмунига асосланади, кейин эса AI тилининг сўнгги модели «GPT4» ушбу тузилиш асосида батафсил сюжетни яратди ва чизмачилик иши AI томонидан мустақил равишда амалга оширилди.
Янги ҳикоянинг номи ҳам AI томонидан мустақил равишда аниқланди.
Осаму Тезуканинг тўнғич ўғли, ушбу лойиҳа учун масъул директор Макото Тезука сунъий интеллект яратган янги иш учун ўзининг катта миннатдорчилигини билдирди.
“AI ҳикояни яратганида, Тезука асарларининг асосий мавзуси - биологик ҳаётнинг қадр-қиммати - ҳикояга жуда яхши келтирилди. Мен сунъий интеллект ҳақиқатан ҳам Осаму Тезука услуби билан манга яратаётганидан жуда хурсандман”, - деди Макото Тезука.
Осаму Тезука ( япон. 手塚 治虫 Tezuka Osamu, 1928 йил 3 ноябрь, Тойонака — 1989 йил 9 февраль, Токио) — япониялик карикатурачи, аниматор, тиббиёт фанлари номзоди.
Осаму Тезука манга ва аниме ривожига катта ҳисса қўшди.
Фаолияти давомида у 500 га яқин манга яратди, бунинг учун у кўплаб соврин ва мукофотларга сазовор бўлди.
Тезука ўқувчилар томонидан "манга худоси" деб аталади, чунки унинг иши Японияда тегишли услуб йўналишларини оммалаштирган.
