Январ ойида ҚР Миллий банки 240 млн долларлик валюта интервенциялари амалга оширди
«2021 йилнинг ноябр-декабр ойларида ташқи омилларнинг кескин ёмонлашуви шароитида: нефт нархининг сезиларли даражада пасайиши (баррел учун 82 дан минимал 66 АҚШ долларига), глобал риск-сентиментнинг пасайиши ва инвесторларнинг ривожланаётган иқтисодиётлардан чиқиб кетиши, Россияга қарши санкциялар таҳдидлари, валюта курси аҳоли ва юридик шахсларнинг, шунингдек, тенге воситаларидан чиқиб кетаётган норезидентларнинг талаби ортиши туфайли кучли босим остида қолди. Бундай шароитда молиявий барқарорликни таъминлаш ва валюта бозоридаги вазиятни барқарорлаштириш мақсадида Қозоғистон Миллий банки ноябр ойининг сўнгги икки кунида жами 239 миллион доллар, декабр ойида эса 252 млн доллар миқдорида валюта интервенциясини амалга оширди», — деди Данияр Вагапов.
Унинг сўзларига кўра, бу спекулятив кайфиятнинг кучайиши ва валюта курсидаги беқарорлаштирувчи сакрашларнинг олдини олишга имкон берди.
«2022 йилнинг январ ойида мисли кўрилмаган воқеалар фонида, валюта биржаси фаолияти тикланган дастлабки икки кун ичида (12-13 январ) савдолар бўлмаганда тўпланган талаб ва хорижий валюта таклифининг чекланганлигини ҳисобга олган ҳолда, Миллий банк томонидан 239,8 миллион долларлик валюта интервенциялари амалга оширилди. Охирги уч ойда савдо ҳажми 10,6 миллиард долларни ташкил этди. Валюта курсининг ўзгарувчанлиги ва фундаментал омилларнинг ёмонлашуви даврида савдо ҳажмининг ошиши бозор иштирокчилари фаоллигининг ошганидан далолат беради», — дея хулоса қилди Миллий банк вакили.
Муаллиф: Азамат Сиздиқбаев
