Январь-май ойларида ишлаб чиқариш саноатида ишлаб чиқариш ҳажми 3,3 фоизга ошди

ASTANA. Kazinform – Жорий йил 5 ойда тоғ-кон саноатида ишлаб чиқариш ҳажми 1,3 фоизга ошди. Бу ҳақда Ҳукумат йиғилишида ҚР Миллий иқтисодиёт вазири Алибек Қуантиров маълум қилди, дея хабар беради Kazinform мухбири.

«Қайта ишлаш саноати ижобий ўсишни сақлаб қоляпти. Ишлаб чиқариш ҳажми 3,3 фоизга ошди. Кўрсаткичларнинг ўсиши 15 та ҳудудда қайд этилди. Улар орасида энг юқори ўсиш Алмати шаҳри, Қостанай, Шимолий Қозоғистон, Абай вилоятларида қайд этилди.

Ишлаб чиқариш саноати тармоқлари бўйича машинасозлик саноатида ўсиш 31,9 фоизга, жумладан, автомобиль ишлаб чиқаришнинг 40,8 фоизга, электр техникаси асбоб-ускуналари ишлаб чиқаришнинг 37,8 фоизга ўсиши таъминланди. Озиқ-овқат маҳсулотлари ишлаб чиқариш, нефтни қайта ишлаш маҳсулотлари, қурилиш материаллари, ичимликлар ишлаб чиқариш, пластмасса буюмлари, енгил саноатда ҳам ўсиш кузатиляпти», - деди вазир.

Унга кўра, тоғ-кон саноатида ишлаб чиқариш ҳажми 1,3 фоизга ошган. Шу билан бирга, нефть қазиб олиш 2,4 фоизга, газ қазиб олиш 1,3 фоизга, бошқа фойдали қазилмаларни қазиб олиш 20 фоизга ошди. Металл рудаларини қазиб олиш 0,5 фоизга, тоғ-кон саноатида хизматлар кўрсатиш 7,3 фоизга, кўмир қазиб олиш 8,5 фоизга камайди.

Муаллиф: Марлан Жиембай