Яқин уч кун ичида қозоғистонликларни қандай об-ҳаво кутмоқда
ASTANA. Kazinform – Синоптикларнинг прогнозларига кўра, мамлакатда кун исиши, айрим ҳудудларда ёмғир ва қор ёғиши, яхвонлик бўлиши мумкин, дея хабар беради Kazinform агентлиги мухбири.
Қозоғистонда об-ҳаво чинакам баҳорга ўхшаш бўлиши кутилмоқда: жанубий вилоятларда сезиларли исиш кузатиляпти, шимолий ҳудудларда эса ҳали ҳам ёғингарчилик ва йўлларда яхвонлик бўлиши мумкин.
Қостанай, Ақмола ва Шимолий Қозоғистон вилоятларида ёмғир ва қор кўринишидаги ёғингарчилик, туман ва ер музлаши кутилади. Ҳарорат кечаси -3 дан +2°С гача, кундузи +4...+9°С гача илиқ бўлади.
Мамлакатнинг ғарбий қисмида — Атирау, Ақтўбе, Манғистау ва Ғарбий Қозоғистон вилоятларида ёғингарчилик кузатилмайди, бироқ 20 м/с гача кучли шамол эсиб, чанг бўрони бўлиши мумкин. Ҳарорат кундузи +18…+24°С гача, кечаси +5…+12°С гача илийди.
Туркистон, Алмати, Қизилўрда, Жамбил вилоятлари ҳамда Жетису вилоятида ҳаво илиқ бўлади ва ёғингарчиликсиз. Кундузи +20…+25°С гача, кечаси +4…+9°С гача.
Шарқий вилоятлар — Павлодар, Шарқий Қозоғистон ва Абай вилоятларида ҳаво ёғингарчиликсиз, жойларда туман тушиши мумкин. Ҳарорат кундузи +3…+8°С гача, кечаси –10…–2°С гача бўлади.
Марказий ҳудудларда – Қарағанди ва Улитау вилоятларида ёғингарчилик кузатилмайди. Баъзида туман тушади, йўлларда яхвонлик бўлиши мумкин. Ҳаво ҳарорати кечаси 0-5 даражагача, баъзи жойларда 10 даражагача совуқ, кундузи 10 даражагача илиқ бўлади.
Чимкентликларни яқин уч кун ичида илиқ ҳаво қувонтиради: бироз булутли бўлсада, ёғингарчилик бўлмайди, шамол жануби-шарқдан 3–8 м/с тезликда эсади. Ҳарорат: кечаси +4…+9°С гача, кундузи +20…+27°С гача кўтарилади.
