Яқин уч кун ичида Қозоғистон жанубида ҳаво ҳарорати 42 даража бўлади, шимолида эса ёмғир ёғади

ASTANA. Kazinform – «Қазгидромет» синоптиклари 18-20 июль кунларига мўлжалланган уч кунлик об-ҳаво маълумотларини эълон қилди, дея хабар беради Kazinform.

Атмосфера фронтлари яқин кунларда Қозоғистоннинг шимолий ярмига таъсир қилади.

Натижада ёмғир ва дўл ёғади, чақмоқ чақади, кучли шамол эсади.

18-19 июлда — ғарбда, шимоли-ғарбда, 18-20 июлда — шимолий ва шимоли-шарқда кучли ёмғир ёғади.

Қозоғистоннинг қолган ҳудуди шимоли-ғарбий антициклон таъсирида бўлади.

Шу сабабли, асосан, ёғингарчиликсиз очиқ ҳаво сақланади.

18-19 июль кунлари республиканинг жануби-шарқида кундузи 40-42 даража иссиқ бўлади.