Яқин Шарқдаги кескинлик: ҚР Ташқи ишлар вазирлиги баёнот берди

ASTANА. Кazinform - Қозоғистон Яқин Шарқдаги вазиятдан хавотир билдирди. Ташқи ишлар вазирлигининг позициясини Ташқи ишлар вазирлиги расмий вакили Айбек Смадияров маълум қилди.

“Қозоғистон Республикаси Ташқи ишлар вазирлиги Яқин Шарқдаги вазият кескинлашганидан хавотирда. Биз барча иштирокчи томонларни вазминликка ва тинч аҳоли ҳалок бўладиган кенг кўламли урушга айланмаслик учун кучайишдан сақланишга чақирамиз. Шу муносабат билан биз келишмовчиликларни БМТ Низоми ва халқаро тамойиллар доирасида ҳал этиш бўйича шошилинч чоралар кўриш муҳимлигини таъкидлаймиз”, — деди Айбек Смадияров вазирликда ўтказилган брифингда.

Расмий вакилнинг сўзларига кўра, Қозоғистон халқаро ҳамжамиятнинг вазиятни барқарорлаштириш ва минтақавий хавфсизликни таъминлашга қаратилган ташаббусларини доимо қўллаб-қувватлайди.

“Хорижда Қозоғистон Республикаси фуқароларининг ҳуқуқларини ҳимоя қилиш бизнинг асосий устувор вазифамиздир. Юртдошларимиз хавфсизлигини таъминлаш учун барча имкониятларни ишга соламиз. Биз ҳар қандай ҳолатда ҳам қўллаб-қувватлаймиз”, - деди у.

Аввалроқ Қозоғистоннинг Исроилдаги Элчихонаси Яқин Шарқдаги вазият юзасидан мурожаат қилгани ҳақида ёзган эдик.

Эслатиб ўтамиз, аввалроқ Эрон Исроилни бомбардимон қилган ва баллистик ракета учирган эди.

Кейинроқ Британия Эроннинг Исроилга ракета ҳужумини қоралади.

Қозоғистон фуқаро авиацияси қўмитаси Яқин Шарқдаги оғир вазият юзасидан баёнот берди.