Wizz Air Abu Dhabi авиакомпанияси Астана ва Абу-Даби ўртасидаги парвозларни вақтинча тўхтатди
ASTANA. Kazinform – Wizz Air Abu Dhabi авиакомпанияси Яқин Шарқдаги мавжуд сиёсий вазият туфайли Астана (NQZ аэропорти) ва Абу-Даби (AUH аэропорти) ўртасидаги рейсларни вақтинча тўхтатишини маълум қилди.
Астана халқаро аэропорти маълумотларига кўра, ушбу йўналиш бўйича сўнгги рейс 2025 йил 19 июнь куни амалга оширилган. Самолёт NQZ аэропортидан маҳаллий вақт билан соат 15:45да учиб кетган.
“Компания Абу-Дабидан Астанага қайтиш рейсини режалаштираётган йўловчиларга муқобил йўналиш сифатида Алмати орқали учишни таклиф қилади. Агар ушбу имконият йўловчига мос келмаса, чипта нархи тўлиқ қайтарилади. Бунинг учун Wizz Air компаниясининг call-марказига мурожаат қилишингиз керак”, – дейилади хабарда.
Аввалроқ 109 нафар қозоғистонлик Яқин Шарқдаги можаро ҳудудидан ватанига қайтарилгани ҳақида ёзган эдик.
