WBO томонидан энг яхши боксчи деб тан олинган Мейирим Нурсултанов Тошкентда жанг ўтказади
Қозоғистонлик профессионал боксчи Мейирим Нурсултанов (19-0, 11 КО) чилилик Хулио Аламосга (16-1, 9 КО) қарши жанги олдидан вазн ўлчаш процедурасида иштирок этди. Бу ҳақда Kazinform Instagramдаги “Қозоғистон профессионал бокси” саҳифасига таяниб хабар беради.
М.Нурсултанов ўрта вазн тоифасидаги чегарадан чиқмади, вазни - 72,5 кг. Рақибининг вазни - 72,3 кг.
Вазн ўлчаш маросимидан сўнг боксчилар анъанавий тарзда кўз уриштириш маросимини ўтказишди.
Нурсултанов – Аламос учрашуви 17 ноябрь куни Ўзбекистон пойтахти Тошкентда бўлиб ўтади. Жанг мақоми WBC саралаш босқичи ҳисобланади.
Эслатиб ўтамиз, мағлубиятга учрамаган қозоғистонлик боксчи Мейирим Нурсултанов Жаҳон бокс ташкилоти (WBO) талқинига кўра 2023 йилнинг энг яхши ўрта вазн тоифасидаги боксчиси деб топилган эди.
У BoxRec.com сайтида вазн тоифасидан қатъи назар қозоғистонлик боксчилар рейтингида ҳам пешқадам.
Посмотреть эту публикацию в Instagram
