Вилоят марказларида 5G муддатидан олдин жорий этилади

ASTANA. Kazinform - Вилоят марказларини 5G алоқа билан қамраб олиш режалаштирилганидан бир йил олдин амалга оширилади. Бу ҳақда ҚР Рақамли ривожланиш, инновациялар ва аэрокосмик саноат вазири Бағдат Мусин маълум қилди, дея хабар беради Kazinform мухбири.

«5G янги технология ва уни қишлоқларга олиб кириш ҳақида гапиришга ҳали эрта. Бугун олдимизда 5G билан вилоят марказлари ва республика аҳамиятидаги шаҳарларни қамраб олиш вазифаси турибди. Жорий йил охиригача 600-700 та база станцияларини ўрнатиш режалаштирилган. Бироқ 5G аукционида ғолиб чиққан операторлар бу режаларни ўзгартирди»

, - деди Бағдат Мусин.

Вазирнинг сўзларига кўра, Астана, Алмати ва Чимкент шаҳарларида 1000 га яқин база станциялари ўрнатилади.

«Янги технологиядан фойдаланиш учун ҳудудларда бир нечта база станциялари ўрнатилади. Республика бўйлаб операторлар 2027 йилгача барча вилоят марказларини қамраб олишни режалаштирган. Бироқ, ҳозир алоқа операторлари ўз режаларини қайта кўриб чиқмоқда ва лойиҳани 2026 йил охиригача амалга оширишни истамоқда»

, - дейди у.

Муаллиф: Даулет Изтилеу