Вьетнам, Марокаш: Қозоғистон дон бозорини кенгайтирмоқда

ASTANA. Kazinform – ҚР Бош вазири ўринбосари – Миллий иқтисодиёт вазири Серик Жуманғарин Сенатнинг ялпи мажлисида дон экспортининг янги бозорлари ҳақида маълум қилди.

“Экспортни қўллаб-қувватлаш муҳим йўналиш ҳисобланади. Масалан, буғдой экспортини давлат томонидан қўллаб-қувватлаймиз. Албатта, биз бу ҳақда ҳеч қаерда очиқ гапирмаймиз. Лекин буни сизнинг олдингизда айтиш мумкин, деб ўйлайман. Вьетнамга ҳам етказиб беришни бошладик. Кеча биринчи партия Марокашга жўнаб кетди. Ҳозир Озарбайжонда биринчи ўриндамиз. Биз Эронда арпа экспорти бўйича етакчимиз”, – деди у.

Унинг сўзларига кўра, 11 ойдан камроқ вақт ичида Қозоғистон 11 миллион тонна қишлоқ хўжалиги маҳсулотларини экспорт қилган.