Ўзбекистоннинг қайси вилоятида энг кўп балиқ овланган

TASHKENT. Kazinform — Миллий статистика қўмитасининг дастлабки маълумотларига кўра, 2025 йилнинг январь–июнь ойларида Ўзбекистондаги барча тоифадаги хўжаликлар томонидан 53,2 минг тонна балиқ овланган.

Бу кўрсаткич ўтган йилнинг мос даврига нисбатан 9,4 % га ўсган.

2025 йилнинг январь–июнь ойларида Хоразм вилоятида 9,4 минг тонна балиқ овланган. Бу кўрсаткич республика бўйича энг юқори улушга эга бўлиб, жами овланган балиқларнинг 17,7 % ни ташкил этган.

Ҳудудлар кесимида овланган балиқ ҳажми:

•  Хоразм вилояти – 9,4 минг тонна
•  Тошкент вилояти – 5,4 минг тонна
•  Жиззах вилояти – 5,2 минг тонна
•  Андижон вилояти – 4,9 минг тонна
•  Қорақалпоғистон Респ. – 4,6 минг тонна
•  Сирдарё вилояти – 4,6 минг тонна
•  Навоий вилояти – 4 минг тонна
•  Фарғона вилояти – 3,8 минг тонна
•  Самарқанд вилояти – 3 минг тонна
•  Наманган вилояти – 3 минг тонна
•  Бухоро вилояти – 2,4 минг тонна
•  Сурхондарё вилояти – 1,8 минг тонна
•  Қашқадарё вилояти – 1,1 минг тонна

Эслатиб ўтамиз, Ўзбекистонда август ойида истеъмол секторидаги товарлар ва хизматлар нархлари ўртача 0,4 % га ошди.