Ўзбекистоннинг энг қиммат футболчиси ўзгарди

TASHKENT. Kazinform - 10 декабрь ҳолатига кўра Ўзбекистоннинг энг қиммат футболчиси Абдуқодир Ҳусанов бўлди, деб хабар беради Kazinform агентлиги Sports.uzга таяниб.

Трансфермаркт порталининг янгиланган маълумотларига кўра, Ҳусановнинг нархи сезиларли даражада юқорилади.

Бугунга қадар 5 миллион еврога баҳоланган ўзбекистонлик ҳимоячининг янгиланган нархи 12 миллион еврони ташкил қилмоқда. Бу эса аввалги етакчи Аббосбек Файзуллаевдан икки баравар кўп.

Эслатиб ўтамиз, Лондоннинг "Арсенал" клуби ўзбекистонлик Абдуқодир Ҳусановга жиддий қизиқиш билдираётгани ҳақида хабар берган эдик.