Ўзбекистонлик Аюбхон Бахтиёров WBC Гран-присининг 1/8 финалига чиқди

TASHKENT. Kazinform - Саудия Арабистони пойтахти Ар-Риёд шаҳрида бокс бўйича WBC Гран-приси бошланди, деб хабар беради Kazinform агентлиги ЎР профессионал бокс федерациясига таяниб.

Турнирнинг илк куни доирасида ярим енгил вазн тоифасидаги ўзбекистонлик боксчи Аюбхон Бахтиёров франциялик Жамал Хажабга қарши рингга кўтарилди ва рақибини 6-раундда техник нокаут эвазига мағлубиятга учратди.

Ушбу ғалаба ўзбекистонлик боксчини 1/8 финалга олиб чиқди. Бу босқич жанглари 20-22 июнь кунлари бўлиб ўтади.

Эслатиб ўтамиз, ўзбекистонлик Руслан Абдуллаевнинг профессионал боксдаги иккинчи жанги санаси маълум қилинди.