Ўзбекистонлик Абдумалик Халоковнинг Испаниядаги жанги муддатидан олдин якунланди

TASHKENT. Kazinform - Испаниянинг Севилья шаҳридаги Centro Deportivo San Pablo мажмуасида профессионал бокс оқшоми ўтказилди, деб хабар беради Kazinform агентлиги Olamsport.comга таяниб.

Турнир доирасида ярим енгил вазн тоифасидаги ўзбекистонлик чарм-қўлқоп устаси Абдумалик Халоков ҳам рингга кўтарилди.

Ўзбекистонлик боксчи Венесуэла вакили Марлемброн Акуньяга қарши баҳс олиб борди. 6 раунд этиб белгиланган жанг учинчи раунддаёқ якунига етди. Абдумалик рақибини техник нокаут орқали муддатидан олдин таслим этди.

Бу 24 ёшли Абдумалик учун профессионал боксдаги иккинчи жангида қўлга киритган иккинчи ғалабасига айланди. Акунья ҳисобида эса энди 13 ғалаба, 12 мағлубият ва 1 та дуранг мавжуд.

Эслатиб ўтамиз, аввалроқ ўзбекистонлик Абдумалик Халоков Испанияда профессионал боксдаги иккинчи жангини ўтказиши ҳақида хабар берган эдик.