Ўзбекистондаги қозоғистонликлар Мустақиллик байрами арафасида экоакция ташкил қилди
TASHKENT. Кazinform – Мустақиллик байрами арафасида қозоғистонликлар Ўзбекистон пойтахтидаги Қозоғистон Элчихонаси биноси олдига дарахт кўчатларини ўтқазишди, деб хабар беради Каzinform мухбири.
Тадбир элчихона ташаббуси ва Қозоғистоннинг Ўзбекистондаги бизнес вакиллари кўмагида ташкил этилди.
Унда дипломатик ваколатхоналар вакиллари, Ўзбекистонда фаолият юритаётган 20 га яқин маҳаллий компания мутахассислари, Тошкентдаги қозоғистонликлар иштирок этди. Тадбир доирасида 100 тупга яқин кўчат ўтқазилиб, шанбалик ташкил этилди.
Хайрли ишни қўллаб-қувватлаш учун келганлар Қозоғистон ва Ўзбекистон ўртасидаги муносабатлар юқори босқичга кўтарилганини таъкидладилар. Бугунги кунда икки давлат ишбилармонлари ўртасидаги алоқалар иқтисодий тараққиётга туртки бўлмоқда. Шунга кўра, бу борадаги ишларни самарали мувофиқлаштириш, қўшма лойиҳаларни амалга ошириш ниятида эканликларини билдирдилар.
Муаллиф: Алихан Асқар
