Ўзбекистонда жиноий гуруҳларни қўлга олиш чоралари: яна 6 нафар гумондор қўлга олинди

40 кун давом этган фавқулодда вазиятлар ва профилактика тадбирлари доирасида Тошкент шаҳар ички ишлар бошқармаси бошқа идоралар билан ҳамкорликда жиноят содир этишда гумон қилинган яна 6 нафар шахсни қўлга олди, деб хабар беради Каzinform агентлиги мухбири.

Агентлик маълумотларига кўра, қўлга олинганлар орасида декабрь ойи бошида ҳибсга олинган, жиноят оламида “Бахти Ташкентский” ва “Бахти Янгиобод” лақаблари билан танилган 52 ёшли Бахтиёр Қудратуллаевнинг ўғли 27 ёшли Ихтиёр Қудратуллаев ҳам бор.

Унга нисбатан Ўзбекистон Жиноят кодексининг 156-моддаси 3-қисми (ўта йирик миқдорда товламачилик) билан иш қўзғатилган.

Эслатиб ўтамиз, унинг отасига нисбатан ҳам худди шундай модда билан иш очилган. Шунингдек, Бахтиёр Қудратуллаевга нисбатан 276-модданинг 2-қисми (Гиёвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш) бўйича тергов ҳаракатлари олиб борилмоқда.

Тошкент шаҳар ички ишлар бошқармаси ушбу жиноят ишлари бўйича тергов ҳаракатлари давом этаётганини маълум қилди.

Эслатиб ўтамиз, аввалроқ Ўзбекистонда уюшган жиноий гуруҳнинг 100 дан ортиқ аъзоси қўлга олингани ҳақида ёзган эдик.

Бундан ташқари, Ўзбекистон Президенти Шавкат Мирзиёев Республика Маънавият ва маърифат кенгашида жиноий дунё вакилларини қамоққа олиш чораси ҳақида ўз фикрларини билдирди.

 

Муаллиф: Алихан Асқар