Ўзбекистонда Рамазон ойи 1 мартдан бошланади

TASHKENT. Kazinform - Ўзбекистонда Рамазон ойининг бошланиши 1 март кунига тўғри келади, дея хабар беради ЎР президенти матбуот хизмати Мусулмонлар идорасининг ахборотига таяниб.

ЎР президентининг мазкур ойни муносиб кутиб олиш ва юқори савияда ўтказиш тўғрисидаги қарори қабул қилинди. Ҳужжатга кўра, ушбу ойда «Рамазон — саховат, бирдамлик ва бағрикенглик ойи» ғояси асосида қатор тадбирлар амалга оширилади.

• Хусусан, қуйидагиларга алоҳида эътибор берилади:
• эҳтиёжмандлар ҳамда илм-маърифат йўлида изланаётган ёшларга ёрдам бериш бўйича ташаббусларни қўллаб-қувватлашга;
• оилавий ришталарни мустаҳкамлаш, маҳаллаларда ўзаро тушуниш ва ишонч муҳитини кучайтириш ҳамда ҳурмат ва меҳр-оқибат қадриятларини тараннум этишга;
• атроф-муҳитни асраш, муқаддас қадамжо, зиёратгоҳ ва қабристонларни ободонлаштириш, кўчатлар экишга ҳамда Рамазон ойи билан боғлиқ тадбирларда меъёрга амал қилиш ва исрофгарчиликка йўл қўймасликка.

Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари Дин ишлари бўйича қўмита, Ижтимоий ҳимоя миллий агентлиги, Маҳаллалари уюшмаси, «Нуроний» жамғармаси ва бошқа ҳамкор ташкилотлар билан биргаликда ҳудудларда Рамазон ойини миллий анъана ва қадриятларга мос тарзда ўтказишга доир чора-тадбирларни амалга оширади.

Эслатиб ўтамиз, аввалроқ Қозоғистоннинг барча ҳудудлари учун рўза тақвими эълон қилингани ҳақида хабар берган эдик.