Ўзбекистонда дарахтларни ноқонуний кесиш давом этмоқда
TASHKENT. Kazinform – Ўзбекистонда жорий этилган мораторийга қарамай, дарахтларни ноқонуний кесишга чек қўйилмаяпти, деб хабар беради Kazinform агентлигининг Ўзбекистондаги мухбири Алихан Асқар.
Ўзбекистон Бош прокуратураси маълумотларига кўра, йил бошидан буён республикада 848 та дарахт ноқонуний равишда кесилган. Шунга кўра, айбдор шахслар қонун ҳужжатларига мувофиқ жазоланди.
“Масалан, жорий йилнинг 13 февраль куни Фарғона вилоятида аҳоли ўн йиллик чинор дарахтига зарар етказган. Қонунбузарлар бу ҳаракатни тўхтатмоқчи бўлган экология ва ички ишлар органлари ходимларини ҳақорат қилишди. Бу ҳолат ижтимоий тармоқларда резонанс яратди”, – дейилади Бош прокуратура хабарида.
Эслатиб ўтамиз, Ўзбекистон Президенти Шавкат Мирзиёевнинг 2021 йил 30 декабрдаги фармони билан дарахтларни кесишга муддатсиз мораторий эълон қилинган эди. Шунга кўра, жарима миқдори 5 баробарга, етказилган зарар эса 2 баравар миқдорида ундирилади. Шунингдек, дарахт кесаётганлар ҳақида маълумот берган аҳолига мукофотлар берилади.
