Ўзбекистонда Абай таваллудининг 180 йиллиги нишонланади
TASHKENT. Kazinform – Бу йил Ўзбекистонда буюк қозоқ шоири Абай Қўнонбоевнинг 180 йиллиги кенг миқёсда нишонланади, деб хабар беради Kazinform агентлигининг Ўзбекистондаги мухбири Алихан Асқар.
Бу ҳақда Ўзбекистон Ёзувчилар уюшмасининг Қозоқ адабиёти кенгаши раиси Турсинали Ахметов маълум қилди.
“Жорий йилда Абай Қўнонбоевнинг 180 йиллигини юқори савияда нишонлаш режалаштирилган. Тегишли тадбирлар рўйхати тасдиқланмоқда. Шу муносабат билан Қозоқ адабиёти кенгаши ўзининг зарур таклифини киритди”, – деди Турсинали Ахметов.
У таъкидлаганидек, бу йил Ўзбекистон вилоятларида илмий-амалий анжуман, хонандалик концертлари, турли танловлар ташкил этилади.
“Жумладан, Абай Қўнонбоев ижодини тарғиб қилиш мақсадида талаба-ёшлар ўртасида турли кўрик-танловлар ташкил этилади. Шу билан бирга, шеърият танлови, халқаро оқинлар айтишуви бўлиб ўтади”, – деди Турсинали Ахметов.
