Ўзбекистон ОТМларида профессор-ўқитувчилар сони 49 мингдан ошди

TASHKENT. Kazinform — Миллий статистика қўмитаси маълумотларига кўра, 2024/2025 ўқув йили бошида Ўзбекистондаги олий таълим ташкилотларида меҳнат фаолиятини амалга ошираётган профессор-ўқитувчи ходимлар сони (ўриндошларсиз) 49,6 минг кишини ташкил этган

Бу кўрсаткич 2020/2021 ўқув йили бошига нисбатан 17,5 минг кишига, яъни 54,5 фоизга ошган.

Профессор-ўқитувчи ходимлар сонида эркаклар 26,7 минг нафарни (53,8 %), аёллар эса 22,9 минг нафарни (46,2 %) ташкил этган.

Уларнинг ҳудудлар кесимидаги сони қуйидагича:

• Қорақалпоғистон Республикаси — 2,7 минг нафар
• Андижон вилояти — 3,1 минг нафар
• Бухоро вилояти — 3,2 минг нафар
• Жиззах вилояти — 2,1 минг нафар
• Қашқадарё вилояти — 2,2 минг нафар
• Навоий вилояти — 1,1 минг нафар
• Наманган вилояти — 2,3 минг нафар
• Самарқанд вилояти — 4 минг нафар
• Сурхондарё вилояти — 2 минг нафар
• Сирдарё вилояти — 0,7 минг нафар
• Тошкент вилояти — 2,5 минг нафар
• Фарғона вилояти — 2,7 минг нафар
• Хоразм вилояти — 2,1 минг нафар
• Тошкент шаҳри — 18,9 минг нафар

Эслатиб ўтамиз, аввалроқ Ўзбекистонда ОТМларнинг кундузги бўлимида ўқиётган талабалар сони 10 йилда 2,7 баробарга ошгани ҳақида хабар берган эдик.