Ўзбекистон хорижликлар учун “олтин виза” жорий қилишни режалаштирмоқда

TASHKENT. Kazinform – Ўзбекистонда 1 июндан бошлаб хорижий фуқаролар ва фуқаролиги бўлмаган шахслар учун беш йил муддатга яшаш гувоҳномасини олиш соддалаштирилган тартиби жорий этилади. Бу норма президентнинг 18 апрелдаги қарори билан тасдиқланди, деб ёзади Gazeta.uz республика Адлия вазирлигига таяниб.

“Ҳужжатни олиш учун аризачи 200 минг АҚШ доллари, шунингдек, ҳар бир оила аъзоси – турмуш ўртоғи, фарзандлари ва ота-онаси учун 100 минг доллардан тўлаши керак”, – дейилади хабарда.

Республика ҳукумати шу йўл билан мамлакатга янги сармояларни жалб қилишга умид қилмоқда.

Яшаш гувоҳномаси – бу фуқаролиги бўлмаган шахснинг ёки чет давлат фуқаросининг шахсини тасдиқловчи, Ўзбекистон ҳудудида доимий яшашга рухсат берилганлигини тасдиқловчи ҳужжат.

Ўзбекистон Президенти Шавкат Мирзиёев 18 апрель куни тадбиркорлик субъектлари учун солиқ имтиёзлари жорий этиш тўғрисидаги қарорни имзолади. Президент қарорида чет эл фуқаролари ва фуқаролиги бўлмаган шахсларга доимий прописка гувоҳномасини ҳақ эвазига беришни осонлаштириш ҳам назарда тутилган.

Эслатиб ўтамиз, 5 май куни Самарқандда “Марказий Осиё – Форс кўрфази араб давлатлари ҳамкорлик кенгаши”нинг иккинчи саммити бўлиб ўтади.