Ўзбекистон биржасида фермерлар учун дизель нархининг ўсиши чекланди

TASHKENT. Kazinform - Рақобатни ривожлантириш ва истеъмолчилар ҳуқуқларини ҳимоя қилиш қўмитаси Товар-хомашё биржасида (ЎзРТХБ) дизель ёнилғиси нархининг ўсишини чеклади, деб хабар беради Kazinform қўмита матбуот котиби Отабек Усмановга таяниб.

Унинг сўзларига кўра, мазкур чора экин мавсумида дизель ёнилғиси нархини барқарорлаштиришга қаратилган.

Ўзбекистонда дизель ёнилғиси биржа нархларининг ўсиши чеклаб қўйилди — фермерлар ёнилғини нархининг 5% гача ўсиш чегараси билан сотиб олиши мумкин. Январда ушбу турдаги ёнилғи ишлаб чиқариш 33,9% қисқарган, истеъмол дизели импорти эса деярли уч баравар ошган.

— 26 февралдан бошлаб биржада фермер хўжаликлари дизель ёнилғисини кичик партияларда харид қилиши мумкин бўлган алоҳида савдо участкаси ташкил этилди. Ушбу секцияда нарх ўсишининг максимал чегараси ёнилғи бошланғич биржа нархининг 5 фоизи миқдорида белгиланди, —дейилади хабарда.

Шу тариқа нарх ўсиши литими фақат фермер хўжаликларига амал қилади.

Охирги ҳафтада биржада дизель нархи деярли 10% ошди. 26 февраль куни унинг нархи бир тонна учун 13,28 миллион сўмга етди. Таққослаш учун: 20 февралда дизель ёнилғисининг ёпилиш нархи 12,53 миллион сўмни ташкил қилган.

Чакана савдода бир литр дизель нархи 11,5−12 минг сўмга етади.

Эслатиб ўтамиз, аввалроқ Ўзбекистон миграция агентлиги Россиядаги патент имтиҳонларига тайёргарлик кўриш бўйича платформа ишга туширгани ҳақида хабар берган эдик.