USAIDнинг барча ходимлари 30 сентябргача ишдан бўшатилади
ASTANA. Kazinform - USAIDнинг айрим функциялари 1 июлгача АҚШ Давлат департаментига ўтказилади, деб хабар беради ТАСС.
Reuters маълумотларига кўра, USAIDнинг барча хорижий ваколатхоналари 2025 молия йилида (АҚШда 30 сентябрда тугайди) ёпилади.
АҚШ Давлат котиби Марко Рубио агентликни қайта ташкил этиш доирасида 1 июлга қадар USAIDнинг айрим функциялари Давлат департаментига ўтказилишини маълум қилди. Шунингдек, у " [АҚШ] маъмуриятининг устуворликларига мос келмайдиган" бошқа функциялар тўхтатилишини айтди.
Эслатиб ўтамиз, 2025 йил январь ойида АҚШ президенти Дональд Трамп маъмурияти 90 кунлик кўриб чиқиш учун АҚШ Халқаро тараққиёт агентлиги (USAID) орқали кўрсатилаётган аксарият хорижий ёрдамни кутилмаганда тўхтатиб қўйган эди.
Оқ уй USAID ўнлаб йиллар давомида назоратсиз, фойдасиз ва шубҳали лойиҳаларга миллиардлаб доллар сарфлаганини даъво қилиб келади.
Эслатиб ўтамиз, аввалроқ USAID 2024 йилда Қозоғистонга қанча маблағ ажратгани ҳақида хабар берган эдик.
