US Open: Аёллар ўртасида ғолиб аниқланди

ASTANА. Кazinform - Теннис бўйича АҚШ очиқ чемпионатида аёллар ўртасида яккалик баҳсларининг финал учрашуви якунига етди.

Дунёнинг 2-ракеткаси, беларуслик спортчи Арина Соболенко жаҳон рейтингида 6-ўриндаги америкалик Жессика Пегулани 7:5, 7:5 ҳисобида енгди.

Бунгача беларуслик спортчи Цинциннати (АҚШ) WТА 1000 турнирида Ж.Пегулани 6:3, 7:5 ҳисобида мағлуб этганди.

Шу тариқа, кетма-кет иккита мусобақада ғалаба қозонган А.Соболенко ғалабали сериясини 12 ўйинга етказди.

Бу унинг “Катта дубулға” туркумидаги учинчи чемпионлигидир. Бунгача у 2023 ва 2024 йилларда Австралия чемпионатида муваффақият қозонган. Улар орасида 2023 йилда у финалда қозоғистонлик Елена Рибакинага қарши баҳс олиб борган - 4:6, 6:3, 6:4.

Эркаклар финалида дунёнинг 1-ракеткаси Италия вакили Янник Синнер ва 12-ўриндаги америкалик Тейлор Фритц чемпионлик учун кураш олиб боради.

Эслатиб ўтамиз, аввалроқ Янник Синнер чемпион бўлиш эҳтимоли бор-йўқлиги ҳақида ёзган эдик.