Улитау шаҳридан йўлга отланган нуроний марафончи Қизилўрдага етди

QYZYLORDA. Kazinform – Улитау шаҳрида истиқомат қилувчи 72 ёшли оқсоқол Сарсенбай Қотирашов Қизилўрдага 13 кунда етиб келди. Марафончини шаҳар аҳли Салихитдин Айтбаев номидаги санъат галереясида кутиб олди, деб хабар беради Kazinform мухбири.

Оқсоқолни шаҳарга кираверишда вилоят «Дастур» (Анъана) ҳунармандчилик маркази ҳамда Анъанавий санъат ва этнопедагогика маркази ходимлари ҳамда тез тиббий ёрдам бригадаси кутиб олди.

Шифокорларнинг айтишича, марафончи катта масофани босиб ўтган бўлишига қарамай ўзини яхши ҳис қилган.

«Бу менинг Қизилўрдага биринчи ташрифим. Кун илиқ, одамлар меҳмондўст. Салихитдин Айтбаев номидаги санъат галереясида мен учун зиёфат ташкил этилди. Вилоят «Дастур» ҳунармандчилик маркази, Анъанавий санъат ва этнопедагогика маркази ходимлари томонидан оммавий ахборот воситалари, маданият ходимлари, ҳамкасблар билан учрашув ташкил этилди. Мени Туркистонлик ҳунарманд оқсоқол Пахраддин кутиб олди. Бу мен учун кутилмаган совға бўлди», - деди марафончи.

Сарсенбай Қотирашов йиғилиш иштирокчиларига ташрифидан мақсад ҳақида гапириб берди.

Эслатиб ўтамиз, Сарсенбай Қотирашов 31 март куни жўнаб кетган эди.

Ундан кўзланган мақсад Қозоғистоннинг бошқа ҳудудлари аҳолисини Улитау тарихи ва муқаддас қадамжолари билан яқиндан таништириш, ҳунармандлар билан учрашишдир.

У Қизилўрдадан Туркистонга боради, ундан кейин Чимкент, Тараз, сўнгра мамлакат бўйлаб Ақтаугача боришни режалаштирган.

Нуроний марафончи ноябр ойигача Қозоғистоннинг барча вилоятларига боришни режалаштирган.

Муаллиф: Агата Мухаметжанова