Уиткофф Доҳада исроиллик маҳбусларнинг оилалари билан учрашди

ASTANА. Кazinform – АҚШ президентининг махсус вакили Стивен Уиткофф Доҳада Фаластиннинг ХАМАС радикал ҳаракати томонидан Ғазо секторида сақланаётган исроиллик маҳбусларнинг оилалари билан учрашди, деб хабар беради ТАСС.

Эслатиб ўтамиз, Стив Уиткофф Дональд Трамп делегацияси таркибида Доҳага ташриф буюрган эди.

— Дональд Трампнинг махсус вакили Стивен Уиткофф Қатар расмийлари ва маҳбусларнинг оила аъзолари билан учрашди, —деди Al Jazeera суҳбатдоши.

Телеканал хабарига кўра, учрашув 2,5 соат давом этган.

— Унинг сўзларига кўра, яқинда Ғазо секторидан озод этилган ва айни пайтда АҚШ фуқаролигига эга бўлган исроиллик маҳбус Идан Александр соғлиғи сабабли Доҳага кела олмади, — деб хабар қилди телеканал ўз манбасига таяниб.

Эслатиб ўтамиз, аввалроқ Трамп АҚШ хусийларга ҳужум қилишни тўхтатганини маълум қилгани ҳақида хабар берган эдик.