Уимблдон: Анна Данилина аралаш жуфтлик баҳсларида 1/8 финалга чиқди

ASTANА. Каzinform – Қозоғистонлик Анна Данилина аралаш жуфтлик баҳсларида Уимблдон турнирининг 1/8 финалига чиқди, деб хабар беради Kazinform мухбири.

Қозоғистонлик теннисчи франциялик 41 ёшли жуфтлик устаси Николя Маю билан биргаликда илк учрашувни аргентиналик Андрес Мольтени ва россиялик Яна Сизиковага қарши ўтказди.

Қозоғистон-Ahfywbz жуфтлиги 6:1, 6:4 ҳисобида осон ғалаба қозонди. Деярли бир соат давом этган баҳсда улар 2 та эйс амалга оширди ва 6 та брейк-пойнтнинг ярмидан фойдаланишди.

А.Данилина – Н.Маю чорак финалга чиқиш учун италиялик Андреа Вавассори – россиялик Людмила Самсонова жуфтлиги билан беллашади.

Шу тариқа, Уимблдон мусобақасида қозоғистонликлардан Елена Рибакина ва А.Данилина қолди.

Эслатиб ўтамиз, аввалроқ Елена Рибакина Уимблдонда тўртинчи босқичга чиққани ҳақида хабар берган эдик.

Муаллиф: Ғайсағали Сейтақ