Уч ойда Қозоғистон авиакомпаниялари 2 млн йўловчини ташиди
Фуқаро авиацияси қўмитаси маълумотларига кўра, январ-март ойларида маҳаллий авиакомпаниялар ички йўналишларда 1,5 миллион йўловчи (2021 йилда - 1,7 миллион, 2020 йилда - 1,1 миллион), халқаро тармоқларда - 500 минг йўловчи (2021 йилда - 400 минг, 2020 йилда - 400 минг) ташиган.
Компаниялар кесимида Air Astana 800 мингга яқин, FlyArystan ва SCAT компанияларининг ҳар бири 500 мингга яқин йўловчини манзилига етказган.
Уч ой давомида аэропортларда хизмат кўрсатган йўловчилар сони – 3,7 млн кишини ташкил этади. Бу ўтган йилга нисбатан 2 фоизга кўпдир.
Бугунги кунда ички рейсларни 5 та маҳаллий авиакомпания ҳафтасига 57 та йўналиш бўйича 613 та рейс амалга оширмоқда.
Халқаро рейслар 77 та йўналиш бўйича 24 давлатга амалга оширилади. Частотаси - ҳафтасига 319 рейс.
Булар - Туркия, БАА, Ўзбекистон, Грузия, Тожикистон, Россия, Қирғизистон, Беларусь, Германия, Миср, Жанубий Корея, Нидерландия, Польша, Арманистон, Буюк Британия, Мальдив ороллари, Таиланд, Озарбайжон, Қатар, Қувайт, Саудия Арабистони, Мўғулистон, Ҳиндистон, Эрон мамлакатлари.
