Туркияда қишдан олдин коронавирус юқтириш ҳолатлари кўпайиши мумкин
Туркия Соғлиқни сақлаш вазирлигининг коронавирус бўйича илмий қўмитаси аъзоси, профессор Тевфик Озлюнинг ҳисоб-китобларига кўра, бугунги кунда 26 миллион талаба таълим муассасаларига боради, жамоат транспортида босим кучайган, одамлар эҳтиёт чораларини кўришни тўхтатган. Шунинг учун қишга яқин коронавирус, ЎРВИ, ўткир респираторли инфекциялар ва юқори нафас йўлларининг бошқа касалликлари билан касалланганлар сони ортади.
«Айниқса, қиш мавсуми келиши билан инфекция хавфи янада ортади. Болалар ҳар куни мактабда учрашадилар. Касал одам ўзи билмаган ҳолда бутун синфни ёки ҳатто мактабни осонгина юқтириши мумкин. Мен буни фақат Covid-19 билан боғлиқ деб айтмаяпман. Оддий грипп ҳам орасида бор. Ҳозирги вақтда Европада касалланишнинг сезиларли даражада ўсиши кузатилмоқда. Ва Туркияда юқтирганлар сонининг кўпайиши Европа Иттифоқидаги ўсишдан 3-4 ҳафта ўтгач қайд этилади. Шу боис, ноябр ойидаёқ коронавирус инфекцияси билан касалланганлар сони ошишини кутмоқдамиз», - деди Т.Озлю.
Шу билан бирга, профессорнинг сўзларига кўра, энди коронавирус 2020 ва 2021 йиллардаги касаллик эмас. Бу вирус жуда кўп ўзгарган. У бир неча бор мутацияга учраган, аммо, хайриятки, одамларда иммунитет пайдо бўлган. Одамлар кўпинча касалликни оддий нафас олиш йўллари инфекцияси каби енгил ўтказади. Шу билан бирга, касалликнинг енгил кечиши аҳоли томонидан элементар эҳтиёт чораларига риоя қилмасликка олиб келди. Беморлар шифокорга бормайди, таҳлиллар ўтказмайди, гавжум жойларда ва шифохоналарда ниқоб тақмайди. Бироқ, хавф гуруҳлари учун хавф ҳали ҳам сақланиб қолмоқда.
Хавф остида бўлган одамлар, албатта, ўзларига ғамхўрлик қилишлари керак. Уларга, аввалгидек, ҳимоя воситаларини кийиш ва ижтимоий масофани сақлаш, оммавий тадбирларга бормаслик, ёпиқ ва вентиляция қилинмаган жойларда узоқ вақт турмаслик тавсия этилади.
Муаллиф: Ақжигит Чукубаев
