Туркияда 4,9 магнитудали зилзила қайд этилди

ASTANA. Kazinform - Туркиянинг шарқий қисмида 4,9 магнитудали зилзила содир бўлди, дея хабар беради Kazinform агентлиги ТАССга таяниб.

Европа-Ўрта ер денгизи сейсмология маркази маълумотларига кўра, силкинишлар эпицентри 298 минг киши истиқомат қиладиган Элазиг провинциясидан 44 км жануби-ғарбда жойлашган. Манба 10 км чуқурликда жойлашган.

Қурбонлар ва вайронагарчиликлар ҳақида маълумотлар йўқ.

Эслатиб ўтамиз, аввалроқ Туркия ғарбида 4,5 магнитудали зилзила содир бўлгани ҳақида хабар берган эдик.