Туркия ҳукумати аҳолини сувни тежашга чақирмоқда

ANKARA. Kazinform - Дунёдаги сезиларли иқлим ўзгаришлари ва сув ҳавзаларининг қуриб бораётганини ҳисобга олган ҳолда туркиялик мутахассислар фуқароларнинг сувга эҳтиёткорона муносабати бўйича ахборот кампанияларини ўтказишни режалаштирмоқда, деб хабар бермоқда Kazinform мухбири.

Туркия Қишлоқ ва ўрмон хўжалиги вазирлиги ўтган йиллар давомида сувнинг ифлосланишига қарши кураш олиб бормоқда. Бу дунёдаги сув танқислигининг асосий омилларидан биридир.

Туркия сув ресурслари бошқармаси мамлакатда аҳолини сув ресурсларини муҳофаза қилиш борасида ўргатиш учун янги қадамлар ташланаётганини билдирди. Бундай ахборот кампаниялари аҳолининг барча қатламларига қаратилган. Мамлакат расмийлари оқава сувларни кейинчалик қайта ишлатиш учун қайта ишлаш даражасини оширмоқчи. Мутахассисларнинг маълумотларига кўра, Туркияда ҳозирда 7,2 миллиард куб метр тозаланган оқава сув мавжуд бўлиб, унинг 44 фоизи қайта ишланиши мумкин.

Сув ресурсларидан норационал фойдаланиш масаласт Туркияда ҳам долзарбдир. Статистик маълумотларга кўра, мамлакатда тоза сувнинг йўқолиши ўртача 33,5% ни ташкил қилади. Бунинг сабаби сув таъминоти тармоқлари, кранлар, қувурларнинг нотўғри ишлаши ва одамларнинг сувдан тежамсиз фойдаланиши натижасида юзага келади. Бугун Туркия бу рақамни 25 фоизга туширишга ҳаракат қилмоқда.

Мутахассисларнинг фикрича, Туркияда якка тартибдаги фойдаланиш натижасида бир кишига кунига 93 литр оқава сув тўғри келади. Шу боис бугун мамлакатимизда фуқароларни тоза сувдан фойдаланишни камайтиришга чақирувчи ижтимоий роликлар фаол намойиш этилмоқда. Мисол учун, одамларга тишларини ювиш пайтида сувни қолдирмаслик тавсия этилади. Замонавий ахборот кампаниялари фуқароларнинг икки тоифасига - аёллар ва болаларга қаратилган бўлиб, мутахассисларнинг фикрича, улар сувдан асосий фойдаланувчи ҳисобланади.

Сувдан самарали фойдаланиш, шунингдек, масъулиятли суғориш амалиёти бўйича ўқитилган фермерларга ҳам қаратилган. Бундан ташқари, Туркиядаги фермерлар қишлоқ хўжалигида сувдан ортиқча фойдаланишни камайтириш учун ишлаб чиқаришни янги технологияларга мослаштиришга чақирилмоқда. Мамлакат ҳукумати сув ресурсларидан самаралироқ фойдаланишга кўмаклашиш мақсадида янги коммунал тўловларни жорий этишни режалаштирмоқда. Рухсат этилган ойлик истеъмолга эга фойдаланувчиларга сувнинг паст нархлари таклиф этилади.

Бундай ёндашув натижасида Туркияда 3,3 миллиард куб метр сув қишлоқ хўжалигида суғоришда, яна 378 миллион куб метр сувдан саноатда фойдаланиш мумкин. Мутахассисларнинг прогнозларига кўра, ҳар йили мамлакат агросаноат мажмуасида тозаланган сувнинг қарийб 65 фоизидан фойдаланиш мумкин.

Муаллиф: Ақжигит Чукубаев

Фото: ixbt.com